網上近日流傳龍緯汶同南亞兒童嘅親暱相片,包括擁抱女童、讓女童坐大髀、同女童影結婚相、甚至瞓埋同一張床,呢啲相引起網民激烈辯論。有人覺得佢可能好喜歡小朋友,網民人格謀殺一名善心義工;但又人反駁齋睇相已經覺得過份親密、如果係佢個女一定報警;而花生友就覺得 Your face your fate,佢只係生得比較鹹濕,古天樂/袁偉豪都有同小朋友錫錫 … 拗咗幾日,今日終於真相大白了。

首先,今早(17/5) 護苗基金就「鑒於近日在網上討論區中,有網民發現一名聲稱為爭取種族平等的政黨高層,透過組織接觸兒童,並與兒童拍攝大量親暱照片」發聲明,護苗基金認為相片當中睇到好多不必要嘅身體接觸,亦有涉及觸碰到兒童嘅私人部位,令人聯想到兒童色情(child pornography)或戀童癖(Pedophilia)。護苗基金認為龍緯汶嘅行為係不能接受,所以已經報咗警。

到下午,原來早在護苗基金報警前,警方電子報案中心喺星期三(15/5) 接獲網民報案,指一名男子涉嫌於不同場合向兒童作出不必要嘅親密行為。西九龍總區刑事總部重案組人員接手調查,今日上午約8點就喺荃灣拘捕一名44歲嘅龍緯汶,涉嫌非禮及製作兒童色情物品。調查後,警方晚上七點再押龍緯汶返位於旺角嘅辦公室搜查,探員檢走廁板、衣服、咕𠱸、攝錄機及電腦等證物返警署調查,懷疑與案有關。

據了解,警方聯絡到三名印尼裔嘅兄妹,年約10多歲嘅兄長指龍緯汶喺4月26日一個活動中,曾抱住7至8歲嘅妹妹走入洗手間,掀起妹妹裙底並私處,相關情況被兄長目擊,並從旁拍下相片做證據。

睇嚟證據確鑿無得撐落去啦 !


想睇網民點講 ? 可以睇呢度 :
https://lihkg.com/thread/1154828