姚子羚喺5月19日被《蘋果日報》踢爆戀上夜場 Dragon-i 前董事楊偉文(Raymond),更爆出 Raymond 除了有藝人老婆蔡宛珊(Sarika)外,仲有一個圈外「二奶」,令疑姚子羚陷入四角戀。姚子羚隨即接受傳媒訪問,表示與 Raymond 交往時,對方已跟太太分居,而事發前(19/5) 亦已和 Raymond 分手,佢更強調自己喺唔知情嘅情況下影咗「床照」。

不過疑似「二奶」今日再爆料,提供咗兩張姚子羚喺床上攬實Raymond並望鏡頭影嘅相,直指姚子羚之前講大話: 「佢點會唔知對方同佢喺床影過相呀?」

對方又提供錄音,指責姚子羚一直知道 Raymond 係想追番太太 Sarika: 「佢甘心做三奶,其實Raymond 同佢都提過幾次分手,但佢要贏,死都同二奶爭。」

但有心水清嘅網民就指啲對話錄音點証明佢哋聯手對付大婆呀?人哋姚子羚都係被騙,最後咪走囉。有錯咩?只有二奶同三奶姚子羚有呢段對話錄音,明顯係二奶爆料咬住姚子羚唔放。嗰個二奶一係想迫走姚子羚,等佢同 Raymond 以後一刀兩斷;一係就已經爭輸咗,嬲起上嚟爆大鑊攬炒。
有名疑似知情網民就提供咗二奶嘅資料,二奶叫 Natalie Kam,今年31歲,佢仲爆料話:「係二奶打畀人老婆叫佢同條仔離婚!條仔同佢分手就威脅要自殺!一直迫人離婚嘅係佢!到上年條仔識咗新女友姚子羚又唔抵得,同蘋果爆料要一拍四散!而家佢哋都散咗,仲咬住佢唔放,佢都係受害者!」

相關新聞: