成日都話淘寶淘寶,淘寶咩都有得淘,今次肥仔黎喺淘寶又見到新嘢啦!今次都玩到變樣,真係不得不佩服大陸人嘅生意頭腦!又真係有人買先出奇!

呢排,有淘寶就出咗堆變裝商品,俾有需要人士買。但佢嗰啲變裝唔係簡單嘅假髮,而係出咗堆仿女生臉型嘅硅膠「偽娘頭套」。嗰間店就話,男人戴咗個頭套,都會變為可愛嘅僞娘-小晴!

商品介紹寫住,頭套有3種膚色可以選擇,個設計係包晒全臉,眼部就留空。特別嘅係佢一啲都唔膠唔硬,「皮膚」貼近真人紋理,觸感柔軟。

呢個小晴面具真係好貴,差唔多成1200港幣一個!但好多人都有買,買完仲有留言,啲相真係睇到肥仔黎暈一暈,點解可以咁!有買家表示「面具非常好!超柔軟」、「表情可以大部分還原」、「和真人皮肤是一樣的」、「非常漂亮的相貌」、「貼合度高」。

下一頁: 睇淘寶買家秀