31歲嘅陳家樂(Carlos) 和24歲嘅余香凝(Jennifer) 拍拖近四年,早兩個月先話打算五年內結婚,昨晚竟然宣佈分手… 原因係《東方新地》發現 Jennifer 一腳踏兩船,更拍到 Jennifer 由6月4日至6月11日一連幾晚前後腳到新歡家中過夜。

《東方新地》指 Jennifer 新歡係有米保險才俊許焯倫(Victor Hui)、Jennifer 更會同 Victor 喺尖沙嘴夾份開一間日本燒肉店 – 牛繁,極速升呢做老闆娘。Victor 年約30歲,家住觀塘半山舊式私樓,以前曾經做過「空中少爺」,現職係 AIA 保險公司高層,年薪過百萬。Victor 年輕有為醒目上進,有錢有車有樓,性格又活躍好動,平日自然有唔少奀星 / Model 主動埋身,Victor 從來都係來者不拒,食得唔好嘥。媾 Jennifer 之前就媾過星夢新女戴祖儀,比較上知名嘅靚女仲有?模許穎 (Phoebe),亦同何浩文舊愛 Candy Tong 一齊過。

據知 Victor 今次係用合作搞生意為藉口,再投其所好,以大量名牌禮物去打動 Jennifer 芳心。Jennifer 就趁 Carlos 近月憑爺爺一角上位,忙於工作唔得閒陪佢,今年三月開始一腳踏兩船,暗撻 Victor!但 Jennifer 本身都唔係一個蠢女仔,佢知 Victor 份人比較花心,個底唔好,所以無諗住即時同 Carlos 分手,想睇定啲 Victor 份人再決定。幾日前 Jennifer 出活動先話會同 Carlos 一齊睇世界盃,可惜人算不如天算,點諗到偷食呢件事竟然會俾記者發現,仲俾狗仔隊跟咗幾日,影到佢喺 Victor 屋企過夜,證據確鑿想狡辯都唔得。無奈之下先選擇同 Carlos 正式分手,相信亦賠上自己演藝前途,所以佢都好唔開心。

而一心想與 Jennifer 組織家庭嘅 Carlos 呢三個月嚟一直被蒙在鼓裡,戴緊綠帽都唔知,直至《東方新地》記者向佢求證 Jennifer 陪新歡過夜一事,佢才如夢初醒,含淚忍痛斬情絲… 男人最痛算這種!

 

下一頁: 睇埋陳家樂13/6 及余香凝14/6 回應 …

 

Loading...