昨晚 5/9 播出的《東張西望》揭發上個月網上流傳嘅港鐵兔女郎相及一段過馬路嘅短片,原來佢真正身份係做保險 ... 佢因為參加咗一個「人生改造課程」,被導師要求佢要以性感兔女郎打扮去突破自己框框,挑戰自我!

報讀了同一個課程嘅受訪者陳小姐,就係因為睇到呢啲相先至有所覺醒,退出課程,並向《東張西望》爆料,講出事件經過。陳小姐話課程分三個階段,學費由 $6,800 - 30,000不等 ......

 

《東張西望》節目重温:

https://www.youtube.com/watch?v=iE7TBHiJUNU

其實早在一年前已經有網民喺 LIHKG 討論區話「上完人生課程班成個人變晒,係咪救唔返?」

之前都見過好多講依類洗腦課程嘅post,無諗過今次真係發生係識嘅人身上

我有個識左8年嘅朋友之前參加左個改變人生課程,一聽就知係吸錢洗腦班
分左3個stage 第一個係認識自我 第二三個係咩改變自己? ? 嗰類野
聽人廢up仲要比七千幾至成皮野(佢地覺得好有意思,唔係廢up)
我叫過佢唔好上佢又唔聽
當時我就揾好多資料叫佢小心啲
見佢本身都係醒目仔黎,諗住無咁易出事
點知都係逃唔過被洗腦嘅命運

佢上左個濕尻洗腦課程一兩個月後
佢變得愈嚟愈奇怪
簡單啲講,就係變左傳銷保險耶撚綜合體:o)
真係好撚煩,不停sell身邊嘅人
「咦,你好似唔夠積極喎」
「不如你黎上下堂試下啦」
又或者會同一個信息send比N條友引人出黎sell:「最近點阿,不如約出黎陪下我啦」
就算點拒絕都死纏

又會講到依個課程一生受用,唔上唔得,然後又講好多case黎証明上完之後幾成功等等
佢會話叫你上堂係為你好
「我重視你,我了解課程係有價值,所以我真係好想身邊大家體驗一下,得到一啲價值,係將來發揮所長」
「都係果句,你成功我又冇着數,但係見到你有得着我就好開心好滿足」

有次仲癲到八號風球黑雨都想踩上人屋企「吹水」
我地成班人無論講乜都冇用,勸佢唔入
如果係其他人,我真係會屌走佢咪撚再煩我就算
但係佢係我嘅好兄弟,我真係想佢可以醒下
唔好再比人呃
係咪冇救?
仲有咩方法可以令佢清醒啲


有網友回應都參加過: 

過來人
我係中左少少類似層壓式傳銷

有個好耐無見既朋友問你近排點 有無興趣賺外快 約出黎聚下舊
佢以前明明係毒撚黎 我諗住當普通聚舊見下面傾下計咁

點知約去酒吧傾 一黎就講佢做左個咩公司既會藉 做傳銷既 每個月幾多收入咁講到好吸引咁又引我入會,見我有猶疑,周圍就有更多佢既同伴行過黎再講講講,務求要你條水魚落搭

我果時就係咁被成功洗腦入會(重問埋銀行借錢)

入會後,即晚要上佢地個濕鳩自我介紹,同其他被洗腦既朋友一齊自我介紹,搞撚到凌晨12點先放得你走,我屌你老母果日晚飯都無撚食就閃人,又好撚柒鳩閪眼訓

返到屋企同d屋企人分享,佢地無興趣,反而去左搵呢類傳銷新聞比我睇返話有d咁既騙局(單新聞重要同我去果度一樣地方[yipes] ),此時我先醒覺,咩叫當局者迷,旁觀者清

成日以為自己無可能咁戇鳩會中呢d騙局,重笑鳩警訊d案件重組,結果殺到黎,自己反而惜手不及

成篇野我想表達係,如果及早發現重有機會救,泥足深陷果d就脫離佢啦,起碼唔好害到自己先

 

相關文章 : 性感兔女郎喺香港出沒注意 (有片)

下一頁: 「人生改造課程」大揭秘