5-6/9 播出的《東張西望》連續兩集揭發上個月網上流傳嘅港鐵兔女郎相及一段過馬路嘅短片,原來佢真正身份係做保險 … 佢因為參加咗一個「人生改造課程」,被導師要求佢要以性感兔女郎打扮去突破自己框框,挑戰自我!

曾報讀了同一個課程嘅受訪者陳小姐就繼續爆料,認得旺角港鐵兩人上嗰對男女,佢哋都係讀緊同一個「人生改造課程」。陳小姐佢相信呢位兔女郎當日正在執行導師嘅指示,挑戰緊自我所以先著成咁。

 

陳小姐仲大爆自己上網查過,該中心嘅導師早有前科,佢指控導師在課堂上要求一名年輕女學員,在30多名師生面前除曬衫,只除剩胸圍扮麥當娜跳舞。用 Google 翻查番舊新聞,2012年7月16日《蘋果日報》的確曾經報道過「自我提升課程 涉嫌性騷擾 逼女學員除剩Bra跳舞」嘅新聞。新聞內容係咁:

今年20多歲、樣貌娟好的阿心(化名),在位於上環的維思(TheRice)參加自我提升課程,已上完第一與第二階段課堂,「本來已經唔想上,但佢哋喺上完第二階段最尾嗰日派一大班人圍住我」;她吸取了上一階段「被圍」經驗,原本打算不帶信用卡希望可以脫身,「點知最後唔記得放低(在家),咁就出事喇」,結果被「碌」了7,800元參加第三階段課程。

6月15日上第一堂時,導師就要求學員要無條件服從其要求,並問學員:「如果要你哋裸跑你哋肯唔肯?」當時所有同學都舉手表示願意,只有阿心拒絕,於是導師將阿心趕出課室。在課室外,該公司有幾名男義工說服她返回課室;但入課室後,導師卻要求她扮麥當娜除剩Bra(胸圍)跳舞,當時其他學員並無脫衣。最後阿心只脫了外套,導師認為她冇誠意,再次將她趕出課室。
阿心說:「之後一名女職員同埋其中一位教練嘅阿媽,言之鑿鑿游說我話『我哋當年都只係除咗一粒鈕,個導師就會叫停』。」被游說近兩小時後,阿心終於再走入課室;課室內學員即起哄大叫「除衫!除衫!除衫!」阿心最終跟從指示,脫剩胸圍當眾跳舞。

事後她說:「我本身有返教會,平時一定唔會咁樣做,嗰一下感覺好似俾人催眠。」當她完成「創舉」後,所有學員一擁而上擁抱她表示安慰及支持。回家後,她自覺當眾受辱,「我喊咗好耐,好唔開心!」其後她前往警署備案。

本月6日晚上,記者以親友身份陪同阿心到維思要求道歉並退還課堂費用,姓李女負責人竟說當時課室內並無職員:「入面嗰位係返嚟幫手嘅畢業生。」她起初表示「過往亦有試過除衫,但冇出問題」,其後則改口向記者說:「你唔係我哋學員,我唔可以話畀你聽課程係點。」

https://youtu.be/JRqi_CXC5i8

《東張西望》主持人上月去咗採訪「人生改造課程」嘅負責人,主持人問到,有人指出早期港鐵性感兔女郎係其學員。負責人即刻醒水,成個人彈起,並聲稱呢度係私人地方,要求攝制隊馬上離開 ... 變面真快!

 

《東張西望》官方影片:

https://youtu.be/IHV4XNMs5xU

相關文章 :
性感兔女郎喺香港出沒注意 (有片)
港鐵兔女郎原來係參加咗「人生改造課程」被洗腦 (有片 -《東張西望》5/9 )
「人生改造課程」大揭秘

 

下一頁: 「人生改造課程」女歌手張靈都參加過