早幾日喺高登討論區出現咗一篇好有深度嘅文章,惹起咗網民熱烈討論... 有網民話一路睇一路笑、有網民覺得似鬼故、有網民覺得純粹話家姐係公廁、亦有網民覺得拖鞋係一個比喻好高質、更有網民用心理學角度去分析作者心理... 你哋睇完又試下去理解呢篇文章究竟想表達啲乜 ?

唔係第一次同人分享,但今次係認真組織返件事
家姐20歲之前拍拖無帶過男朋友上來,所以唔知之前佢點
但20之後開始會帶男朋友上嚟見家長
最長一個年半,上咗嚟幾十次,最後都係散咗
但最短一個應該只係上咗一兩次就散
嗰陣家姐帶第一個男友上嚟嘅時候,
老母仲特登買左對新拖鞋比佢着,但冇耐之後散咗
隔一個月又有另一個補上,結果又係着返佢前任對拖鞋

之後嗰幾個都係着同一對拖鞋
但佢哋完全唔知對拖鞋一早已經有人着過
家姐嘅第二任男友自己開裝修公司,佢係拍最耐拖個個
但最後都係散咗,我知原因係咩,因為佢對腳太臭,
同家姐去完日本返嚟之後家姐就開始少咗見佢過嚟
但前後都拖咗4個幾月先真係散
家姐淨係同過我一個講佢有腳臭
但有次我好奇趁佢走之後聞一聞隻拖鞋

Hi佢老味隻味仲臭過踩完屎嚟,
簡單係完美將腳汗同燒過既塑膠味混為一體
但擴散唔遠,可能係氣味粒子比較重,
一入咗個鼻就火燒連環船咁由個鼻燒到橫隔膜
我唔小心嘔咗一篤黃膽水落隻拖鞋到,之後急急腳走咗,
冇幾耐佢地就散咗,但之後幾個男朋友上嚟都會着個對拖鞋
我成日諗當年佢個ex係對拖鞋上面留底嘅惡臭分子,
會唔會黐上佢新男朋友隻腳到呢?
但佢地又好似毫不在意照着對拖鞋

再之後我醫生同我講話我可能有輕度思覺失調
但我同佢分享呢個故事個陣,佢話我屋企根本冇呢對拖鞋
我次次都解釋話因為對鞋阿媽會收起所以佢見唔到但佢話唔係咁
但後來佢開始開藥比我食,話係可以令我嘅病情舒緩
我食完之後無任何事改變過,而佢平均每兩個星期上黎搵我一次,
差唔多成年,但有一次我見住佢着個對拖鞋,於是我知佢講大話

不過再過多一排連個醫生都冇再上嚟


#1 有網民咁分析:

成件事其實係投射緊樓主對家姐個種超強佔有欲同畸形情感

首先,家姐,男友,阿媽,醫生都係真有其人

腳臭味係樓主對家姐男友既厭惡感產生出黎既
生理反應,即係好似有焦慮症患者成日會因某d事無胃口會作噁一樣,個生理反應會隨著情感既深淺而有強弱改變。最基本例子係正常人少少緊張最多心跳加速,好緊張就會胃抽筋一樣道理。

而拖鞋就係trigger,又或者話係樓主對家姐男友個種厭惡情感既投射物,亦係樓主成日都覺得拖鞋有問題既原因。真正既問題係樓主對家姐產生左畸形既感情,可能樓主家姐由細到大都對佢好好。

承上,當個位男友佔有得家姐越勁,越威脅到樓主(即係可能會娶走家姐),樓主就越不安,拖鞋就越臭(所以開裝修公司果個直頭臭到踩屎咁)

醫生係真既,但點解醫生都會著拖鞋呢
因為樓主意識到醫生知佢問題嚴重,可能有意轉介佢入院,入院意味離開家姐,所以樓主對醫生產生厭惡感,拖鞋亦隨之出現。

既然拖鞋係代表樓主對失去家姐既情感投射物,當呢個威脅降低既時候,拖鞋自然會消失。而阿媽呢個角色就係保護緊樓主,可能阿媽都發覺樓主對家姐既男友抱有敵意,都會勸家姐小d帶男友上黎。所以拖鞋永遠都係由阿媽收埋。阿媽永遠都係想保護自己個仔,但咁樣好多時候都解決唔到問題,醫生有可能其實都係比趕走。

高登心理學家


#2 另一個網民咁分析:

樓主=家姐私處
拖鞋=condom

家姐20歲破處
最長同男友啪啪啪幾十次就散左
第一次果時家姐老母特登買埋condom
點知過後條條仔都同用一個condom[shocking]
第二任男友自己開裝修公司 = 開發後花園
腳太臭+臭過踩完屎黎 = 真係開發後花園
嘔左一篤黃膽水落隻拖鞋到 = 高潮
醫生 = 性病醫生 / 新男友
佢話我屋企根本冇呢對拖鞋 = 家姐根本冇用condom先搞到性病 / 佢唔用condom
開藥 = 開藥
每兩個星期上黎搵我一次 = 食左藥唔用condom
但有一次我見住佢着個對拖鞋 = 用左個n手condom
連個醫生都冇再上黎 = 中左n手condom D性病


#3 其他見解:

樓主就係家姐
拖鞋係樓主個閪
因為同第一任男友扑野所以有性病
有性病所以閪臭
要睇醫生,醫生話可以醫好(所以唔存在有臭味既拖鞋)
條件係要免費扑野
最後個醫生都乃野於是消失

因此,呢個係性病患者的自我隱喻

參考:Susan Sontag 《疾病的隱喻》