48歲型佬唐文龍拍完《溏心3》之後人氣急升,被封男神筍盤,上月參加鄭嘉穎婚宴,更開到口想在兄弟中下一個結婚。講到咁,原來唐文龍已成功撻著奀星Ruby(劉依靜)。

今年30歲曾外號「翻版徐淑敏」嘅Ruby,三年前曾搶趙頌茹老公周永恆趙,之後搭上身家億計嘅彩豐行老闆楊振源 (Benny) 。可惜好景不常,唔知係唔係報應… 今年突然殺出一個陳庭欣 (Toby) 硬搶富豪男朋友,搞到彩豐行嘅公關工作都冇埋。

《東方新地》就影到唐文龍同Ruby即使颱風「山竹」殺到亦連日頻密約會,拍拖撐枱腳直落睇《逆流大叔》,愛得癡纏。對於撻著唐文龍,Ruby 訪問中坦言:「性格夾唔夾,要了解吓先!」兼大讚唐文龍係好男人,但一提賤男舊愛周永恆即刻落晒閘:「佢不值一提,當發場噩夢!」

Ruby 黑歷史:
報應?三年前搶趙頌茹人渣老公 三年後被陳庭欣搶億萬男友