「港版羅拉」小朱被譽為香港史上最索嘅跟車工人,爆紅之後除咗有廣告商揾佢之外,近日仲上埋大陸搜狐網節目《送一百位女孩回家2》嘅主角,並迅速喺大陸爆紅。

小朱喺節目中透露爸爸細個由廣東嚟香港、媽媽係台灣人,6歲成家人就從香港搬咗去台灣,到佢中一又去咗厦門住咗兩年,中三先返嚟香港定居。佢爸爸媽媽都唔鍾意喺香港生活,覺得香港生活壓力好大,所以得小朱一個人暫住喺姑媽屋企。但到小朱十七歲時,表哥要結婚,唔方便再住喺姑媽屋企,佢就被逼自己一個搬出嚟住,開始自己獨立生活,自己照顧自己。

可能小朱受父母影響,雖然佢喺香港出世,但佢覺得自己唔係香港人,只係一個住喺香港嘅人。小朱又話自己做過好多種工作,例如文員、酒店接待員、保安員等,但是非好多,日日都係戴住假面具做人。佢19歲開始做跟車,已經做咗十年,因為佢覺得做跟車更加簡單、自在。小朱又表示,呢份工可以靠雙手贏得其他人嘅尊重,佢覺得好踏實。

小朱又透露自己的人工只有 18,000港元,但用咗$6,500租咗間只有五平方米嘅劏房住,仲帶主持人參觀自己屋企。

大陸網民紛紛勸佢「到大陸做直播主持,拍網劇,上綜藝節目啊!」佢哋無法理解香港竟然會有靚女唔靠樣揾飯食,要咁辛苦出賣勞力、住咁細嘅劏房,所以呢一集節目非常震撼。

 

下一頁: 睇下大陸網民點講 (有更多相)