近月內地非洲豬瘟愈爆愈勁,食物及衛生局長陳肇始(Sophia) 噚晚喺Facebook話,為嚴防呢個疫症,佢噚日朝早就去咗漁農自然護理署喺打鼓嶺嘅行動中心,視察本地養豬場出現非洲豬瘟嘅部署同演習,包括豬隻銷毀行動。

不過呢個演習就用咗大量粉紅色毛公仔豬嚟練習殺豬,結果被網民恥笑 !!!

有網民喺淘寶找到呢款毛公仔豬售價238人仔(約$270港元),亦有網民指一隻豬體重最少45kg,漁護署職員抬得咁輕鬆,係咪兒嬉咗啲 ?!

不過,大部份網民都覺得隻豬好cute,好想買返一隻。