今日《東方日報》C1頭條,黃子恆喺大陸嘅粉絲 Michelle 爆料,指去年4月30日喺廣州嘅粉絲聚會認識黃子恆後,因為有禮物要送予對方,最後兩人相約喺深圳一個酒店式住宅見面,就喺呢次見面期間兩人發生性行為... 之後黃子恆再冇搵佢,直到今年1月兩人又再次見面,7月份仲再一次發生性行為,結果呢一次就發現有咗BB。依家佢有咗四個月,黃子恆卻一直「潛水」,故決定公開其渣男行為,誓要令佢失業!

黃子恆承認與 Michelle 發生過一次性行為,但就話自己有戴套,講法各有出入,成為咗羅生門 !!!

先睇粉絲 Michelle 版本:

現年28歲嘅 Michelle 受訪時話係黃子恆以交收禮物為理由,表示想單獨同佢見面:「子恆約我在深圳酒店式住宅會面,因為子恆是公眾人物,不以為意,覺得他不是壞人。最初我們只是看電視,跟住他叫我去洗澡,之後他又去,雖然沒有很坦白指想上床,但最後也在床上發生關係。」

記者問:「沒有拒絕?」

Michelle 答:「沒有,因為我是一個小妹妹,他是我的偶像、喜歡的人。」

發生關係後,子恆半年都無再揾佢,期間只係閒聊幾句。Michelle 話自己傷心到爆,三個月足不出戶,不思飲食。之後呢件事喺粉絲群組爆出,有人支持佢丶有人罵佢神經病。

Michelle 話子恆為平息事件名哲保身,叫咗另一位粉絲幫佢講好說話,話自己好內疚、又話想自殺,希望 Michelle 體諒給予機會。Michelle 相信佢,今年1月大家又做返"朋友",到7月份大家又相約喺深圳爆房。之後子恆再次玩失蹤,Michelle 今次就發現有咗佢嘅BB。


黃子恆版本:

記者:你哋前後發生過兩次性行為?

子恆:其實我同佢只係發生過一次,我哋第一次見面係上年4月 Fans meeting,之後就各有各散,Fans meeting之後嘅一星期,佢話有份禮物送畀我,當日係第二次見面。

記者:第二次見面,即收禮物時,喺你酒店房見面?

子恆:唔係,喺佢住嗰度,一間深圳類似酒店式住宅嘅地方,其實Fans meeting見面會之前,我哋已認識,喺微博有溝通,但我覺得第一次見面喺Fans meeting,係個好好見面嘅場合,避免兩個人單獨見面。

記者:Michelle話懷有你嘅BB,進行性行為時,你哋有冇做足安全措施?

子恆:有,有做足安全措施!(有冇戴避孕套?)有!其實我同佢已經有年半冇見過。

記者:會唔會報案?

子恆:我都有諮詢過律師意見,呢啲都係民事訴訟,始終一場相識,一場朋友,曾經我都畀咗個希望佢,嘗試過之後唔Work都冇辦法。

記者:怕唔怕佢做傻事?自殺?

子恆:佢諗歪我都冇辦法!呢啲我都控制唔到,我只希望謠言唔好再散佈出去,其實要證明我都有辦法證明!

記者:驗DNA都肯?

子恆:肯!我隨時Welcome!


異性緣旺盛  娛圈食家 

現年36歲嘅黃子恆異性緣十分旺盛,2014年就同過李佳芯(Ali)傳過緋聞,兩人被拍得蜜遊西貢,仲撐枱腳食燭光晚餐,最後更齊齊前往男方家過夜,事後兩人例牌否認。2015年黃子恆又被拍得同吳若希(Jinny)喺赤柱夜會,但兩人一樣否認戀情,佢哋話係識咗好多年嘅好朋友。到2016年,呢次堅,無得否認... 佢被爆介入裕美同老公林恩浩嘅婚姻,裕美更被拍得喺子恆屋企露台晾Bra,之後裕美宣佈已單方面申請離婚,不過兩人好快就分手收場。