LIHKG 討論區有巴打以「老竇癲咗,買咗幾包飲管派」為題發帖,指父親在麥當勞用膳時沒有飲管,認為是一個問題,抱怨「環咩保…唔想個個人畀環保人士搞到覺得無飲管係正常,遲下個個人慣下慣下,將一件有問題嘅事變成習慣」,更指「M記唔畀,咪又係我自己出返」,決定先用家中存貨,再花費10元購買一包200支飲管,指會「隨身帶定10支8支」,在麥當勞看到有人沒有飲管用時,就派給對方使用。

該名連登巴打仲表示老竇「派完呢包唔知咩牌,派百佳牌!」不少網民讚賞世伯的舉動,甚至稱他為「飲管俠」、「真男人」及「英雄」,更指「香港需要多啲人好似你老竇」

但有網民狠斥「有個咁得閒又弱智嘅老豆 我可憐你」卻惹嚟五千多負評。又有網民覺得派飲管行為反智:「三唔識七,仲要唔係獨立包裝,你敢用?」不過有其他網民就反建義可以去十蚊店買獨立包裝飲管,十蚊180支,少20支但有紙包,派畀人夠衛生 !


其他網民留言:


Well done 俾你老豆! 香港好反智 到到都有紙飲管 得香港咩都冇


做唔到幣少 做管少都幾好

管少:你有無見過飲管會從天而降?
路人a:好多飲管呀!
路人bcd:搶呀!!!!


佢話唔想個個人比環保撚搞到覺得無飲管係正常
遲下個個人慣下慣下 將一件有問題既事變成習慣


早幾日落樓下m記 飲筒盒隔離有一包飲筒放咗係度
偷偷拎咗支