喺日本有咩比無禮貌嘅中國人更恐怖,就係娶無禮貌中國女嘅港男。

是咁的… 喺溫泉酒店,浴場有分男女,通常入湯前都會經過塊寫住女湯嘅布,行過咗就大家要自重,唔好影相,呢樣野最基本,而且更衣室多數都有好清楚寫明呢樣野。

話說有一名中國女子(開頭唔知佢係中國女子)入咗女湯changing room,喺度左望右望。當時我同我朋友正準備更衣沖涼,我見到呢一名女子唔係着住浴衣而係着住便服,我以為佢可能想望下更衣室多唔多人,所以都冇再為意佢。由於浴場坐位有限,我朋友先更衣沖涼,我就等一等有位先沖。

我喺更衣室冇野做咪周圍企,而我朋友正在換緊衫。突然我聽到「卡唰」一聲。奇怪,點解會聽到影相聲?我周圍望,咦,冇人。於是乎我行多兩步望望,見到頭先呢一名中國女子喺更衣室轉角門口度影相,佢影緊更衣室既另一角,當時我見到佢仲係舉起電話。由於我朋友正在換衫途中,我覺得非常不妥,所以出聲阻止那女子。出於本能反應我第一句講咗普通話「不能」,但諗吓人地可能唔係中國人,所以轉channel,用英文講「stop, no photo!」

跟住嗰個女子就發晒癲咁講話我都唔係影你,開頭用英文,講咗兩句可能唔識講跟住就用普通話係咁大聲鬧我,然後就用中國名句「你以為你是誰?」黎大我,再然後,佢就鬧住走咗。

當時我同朋友商討,覺得相當不妥,所以出去同識英文既溫泉旅館職員講番呢件事。當我講咗唔夠半分鐘,那名中國女子就衝埋黎喺度鬧我,阻止我同職員溝通。佢鬧咗半分鐘之後,佢先生又衝埋黎鬧我,我根本不能和職員溝通,但職員大概都知道發生咩事,就係那名中國女子在女湯浴場更衣室影相。

呢位港男一開頭用英文係咁鬧我,我同呢位港男講,更衣室係唔俾影相,呢個係日本rule。呢一刻佢知佢老婆做錯,所以立刻用第二個理由屌鳩我(真係屌鳩我的,用英文超大聲),太意係話我無禮貌…..話我對佢老婆好無禮貌,佢話佢都係香港人,佢話我影衰香港人。我好冷靜咁同佢講「It’s you」。

佢再接再厲,邊用佢好肉酸既英文,邊用佢食指係咁指住我黎鬧。用完英文用普通話,最後用埋廣東話加粗口鬧我。俾佢鬧既過程佢係冇停過,我連插針講一句既位都冇,淨係當中反一反眼好細聲咁講咗句,「你講撚晒佢啦」。成個過程佢好大聲同好惡,其實我都好想反駁,但呢個時候,佢呢啲行為吸引咗其他旅館職員,佢地好緊張咁叫我地calm down,亦有男職員稍為推開呢位港男。對!呢個時候我唔可以失禮,要盡量維持冷靜,我唔可以好似佢咁影衰香港人。

其實咩叫無禮貌,我又唔係職員,你同我都只係俾錢既客人咋。你老婆而家冒犯咗我,亂咁喺更衣室相,佢而家做錯咗野,點解我要有禮貌對你,你又以為你是誰?
做錯事就惡人先告狀,發晒癲咁指住人黎鬧,就係你呢D行為影衰晒香港人。

最後佢睇住我俾佢鬧到冇反應,佢屌到冇野好屌就收皮準備走。
佢一家三口架,最心涼係佢屌完走時佢個細路仆街囉。
老豆老母冇教養,個細路會受晒架。

冇教養嘅人真恐怖。

補充1:事後點解唔即刻報警?
1. 因為其實報警幫唔到件事,佢喺佢影到人之前已經俾我停止咗。報警除左搞到佢,仲搞埋我,我餘下既行程更不愉快。
2. 另外都唔好旨意旅館既人幫到手,畢竟佢地只係做生意,因為成件事佢地冇金錢損失,事後佢地咪又去派啲職員向兩邊既客人鳩say sorry了事。
3. 就算報咗警,啲鄉村派出所既警察英文唔叻,根本好難溝通,到最後會叫你雙方和解。

補充2:過程有冇拍片?
我冇,因為我係去浸溫泉,我冇拎電話囉,但我覺得對方可能有,睇吓遲啲有冇片?

補充3:咁你寫咁大段野為咩?
我番咗香港幾日都仲好介意當日無理俾人指住黎鬧,所以想寫出黎抒發吓。

補充4:幾時邊度發生?
2019年1月3日 日本 天見溫泉 南天苑 大約5點幾至6點幾咁,exactly唔太記得喇。不過間旅館餐廳好靚,俾你地睇吓有幾靚喇。
出面望入黎係咪好靚?

Source:
https://lihkg.com/thread/972762