商台DJ Colin Mak 昨日在北角渣華道橋底地攤發現一個2013年新城勁爆頒獎禮「新城勁爆躍進歌手」獎座,猶如垃圾,與其他二手物品放在地上。當年有五位歌手拎咗呢個獎,包括龍小菌、蔚雨芯、連詩雅、羅力威及吳彤 … 但佢哋五個已先後喺 KingJer IG 留言或自己出 PO 否認,咁即係話有一個歌手講大話

嫌疑歌手一:  龍小菌喺 IG 出 PO 證明個獎喺手上

嫌疑歌手二: 蔚雨芯喺 KingJer IG 留言話獎座放公司

嫌疑歌手三: 連詩雅喺 IG 回應蔚雨芯,獎座都係放公司,其後再係自己 IG 補相證明自己清白

嫌疑歌手四: 羅力威兩公婆都喺 KingJer IG 留言否認

嫌疑歌手五: 吳彤已離開香港娛樂圈,在溫哥華定居,應該唔怕得罪新城,但佢仍喺 IG & Facebook 力證自己清白。

睇完五個嫌疑歌手嘅口供,龍小菌有圖有片 100% 唔係佢。吳彤亦有相證明,而且佢已在温哥華定居,無必要講大話,所以都唔可能係佢。連詩雅有公司種星堂出相證明獎座仲喺公司,可信程度甚高,可以排除。

剩返蔚雨芯及羅力威口講無憑 … 佢兩個現在嫌疑最大!