泰國榴槤大王 Anont Rotthong 上周六(2/3日) 喺 Facebook 出文,話想幫個女揾個好老公… 佢表示做佢女婿唔洗門當戶對,而且佢話準備咗10架車、一間屋,1,000萬泰銖(約245萬港元)畀個女做嫁妝,未來女婿可以用呢一千萬去做啲小生意。

佢喺 Facebook 出文話做佢女婿只需符合四個條件:

1. 不需要有高學歷,只需要識字
2. 勤奮上進、工作時不偷懶
3. 節儉
4. 喜歡榴槤

呢個消息一出大批男人爭相應徵,令榴槤大王應接不暇。最後仲上埋電視訪問,同應徵者對話。

現年59歲嘅 Anont Rotthong,喺泰國春蓬府經營榴槤批發生意,佢有兩個子兩個女,除咗27歲嘅細女 Kansita 外,另外三個仔女都結晒婚,所以佢先咁急幫 Kansita 揾老公。Kansita 本身已經有大學學歷,不過打算去中國中山大學學中文,希望可以幫爸爸拓展中國市場 … 咁就真係機會嚟啦,香港人都有希望!

如果巴打你普通話講得好,睇嚟真係比泰仔更有機會 … 不過要記住,要成為 SRK,首要條件就係要靚仔 !!!