價值近300萬元嘅九巴車隊最新成員「紅巴2.0」,今天 (14/3) 正式投入服務,吸引不少巴士迷前來試搭。九巴昨日就喺 Facebook Page 介紹新車優點 … 不過有網民就留言: 「新又點?都無人清潔」,估唔到九巴 Page admin神回: 「清潔又點?都無公德心嘅」

留言獲超過2000個 Like,比主 po 還要多,好多網民留言支持九巴admin,指佢道出事實!

不過留言 Like 還 Like,九巴今日一出車就跪低 … 仲停正路中心,拖累成條長沙灣道西行線癱瘓,巴士迷大感冇癮!

你哋四個覺得可以推郁架巴士 ?

梗係推唔郁啦,半小時後,巴士由九巴拖車拖走!

另外,有網民覺得「紅巴2.0」座位舒適度有問題,留言串九巴 admin:「照薄座椅設計都係優點? 不如叫紅巴0.02啦」;有網民就和應「坐墊太薄,坐得唔舒服」,九巴 admin 今次就無回應!