昨日(20/6)網民 Holly Yuen 在 Facebook Group「Tai Po 大埔」上載了段影片,據影片可見,一對夫婦和拍片者正在爭執,期間阿伯不停用粗口罵 Holly Yuen,「白撚癡」、「讀咁多書有撚用咩」,旁邊的大媽則用手機及用報紙包住的菜嘗試拍打網民,聲稱:「我趕烏蠅」,並且故意將手機遊戲打開,調高音量播放。當 Holly Yuen 以「爛口夫婦」稱呼二人後,該名大媽則稱自己很斯文,但下一秒卻又沉不住氣,再用菜拍打對方。

▲ 葉德嫻都試過勸人有公德心反被鬧

網民 Holly Yuen 在 Facebook 貼文:

有人想紅!想出名,幫佢一把
事原講講先:阿嬸打機開到好大聲,我真係好聲好氣叫佢熄左個聲,or 帶耳機,佢話阻到你咩,我話係騷擾到我架!隔一陣,阿嬸繼續打,我再溫馨提示,然後佢地出手了,我當然要幫爛口夫婦爆紅
P.S.佢要跟我落車喎!好呀️come
Updated: 阿嬸報警了,告我侵權
再update: 根據港鐵附例,我的確冇權影佢架,當然佢講粗口都係違反港鐵附例,所以,大家欣賞完段片就算數啦阿嬸話如果段漏咗出街會告我,我都俾警察登記左,希望唔會再找我晦氣啦

其後不少網民都對該夫婦的所作所為表示憤怒,怒斥二人為「廢老」:「死垃圾廢老」、「阻住地球轉,就係呢啲廢老」、「最憎呢啲自私廢老」,並對 Holly Yuen 的行為表示支持:「樓主做得好,呢種人係要被人教訓」、「支持片主,真係好憎呢啲人」。

有人則認為 Holly Yuen 應該報警:「佢掂到你/你嘅財物已經可以報警」、「都出咗手,報得警,同港鐵車廂講粗口係要罰錢㗎」、「你條片已經夠做佢襲擊啦」。亦有人感嘆無人出手相助:「睇到火都嚟,現場無人幫手?」


影片: