TVB《愛.回家之開心速遞》向來都貼地又寫實,深得觀眾歡迎,前晚 (20/6) 起一連兩集《有食唔食 ?! (上/下)》就抽水重演「安心偷食」事件。劇情講到細龍生(鄭世豪飾)經常被細龍太(陳偉琪飾)睇低,心情差而飲醉酒,坐車回家期間被電視台奀星 CherryBB(楊埕飾)主動要求坐順風車,期間 CherryBB 主動勾引細龍生,又攬又錫,成個過程被司機用車Cam拍下,放到地下拍賣會拍賣。

影片被公開後,細龍生開記者招待會,90度鞠躬道歉,並打算講:「我係一個臭咗嘅男人!」

《愛.回家之開心速遞》精華片段: (神還原篇)


不過《愛.回家》版的結局同「安心偷食」事件有些不同,細龍生係一個好男人,最終能把持得住,無被宅男女神 CherryBB 所誘惑,可以話係 Happy Ending。

而故事結束前,編劇再抽多一次水,細龍話自己犯了法,一陣會去警署自守,原因竟然係 … 細龍太睇住記者招待會直播都「O 晒嘴」。

《愛.回家之開心速遞》第605集精華片段: (結局篇)