日前一對男女在聖保祿醫院候診時,疑因目光問題與兩女之母發生衝突。雙方互相指罵近10分鐘,期間醫院職員制止未果,最終要驚動警員到場。不過網民卻發現身為母親的婦人在過程中,懶理已被嚇得痛哭的其中一名女兒,狠批她,「點做人老母?自己個女喊到咁慘都掛住鬧交!」

當時兩名男女在討論電視上「反送中逆權運動」時,疑因用粗口鬧 TVB新聞偏頗,引起附近婦人的不滿,雙方「互睥」一番後,便展開爭執。短髮戴眼鏡、身材略胖的婦人走到男女事主面前,手指鏡頭,直指對方先講粗口在先,而婦人身形瘦削的10多歲幼女亦加入罵戰。

二人聲浪愈說愈大,期間粗口橫飛,更不時「手指指」及靠近男女事主拍攝的鏡頭,女事主受驚問,「你係唔係想打我?我好驚」。婦人大聲反駁,「我唔係想打你,依度係病人嘅地方,唔係畀你嘈嘅!」惟男事主卻嘲諷婦人,「啱呀,你自己嘈先嘅」。婦人聞言呆一呆,男事主窮追猛打,「你唔好自己鬧自己啦,師奶」。此時,醫院警衞亦出言勸阻,惟婦人情緒激動,更大聲指罵對方。原本坐在一旁未有出聲的大女兒見狀,主動拉走其母親及妹妹,更站在男女事主及母親中間,不斷重複「媽咪,唔好再嘈啦」,更受驚得痛哭,但婦人一於少理,繼續謾罵。

不過片段末段,事件卻出現反高潮,婦人突然把外套及手袋交給女兒,走到男女事主面前,當大家以為她對二人有所行動時,婦人兩膝一跪,兩度拜跪並大聲講「對唔住」,然後咆哮,「道咗歉啦!」

網民一面倒怒斥婦人行徑,「無得救,大聲唔係有理嘅。」「有一個咁嘅阿媽,好慘。佢發瘋嘅時候完全唔會理個女感受」。不少網民心痛一直嘗試調解的大女,「可惜生於這個家,望日後佢能保持正常,有獨立思考!」東網就事件向醫院查詢,醫院客戶服務部發言人指,該院就事件不作評論。

影片:


相關新聞:


躁底母女大鬧醫院後 今日又喺灣仔襲擊女途人 (有片)