小弟係數年前搵「好師傅」介紹裝修公司的苦主,爛尾後我同老婆被迫同佢簽左份保密協議,所以唔講得自己個case既內容。最近見到有朋友在網上群組「家居裝修分享谷」舉報佢地又介紹衰師傅俾人,個衰師傅仲要係同我當時那個一樣!咁即係衰左仲繼續用,仲隱瞞D衰師傅既負面紀錄啦!仲唔止我,個post出現大量苦主出現聲討,所以我決定寫呢篇文爆佢大鑊,等人唔好信佢地所謂既「免費自家監工」!如果有人覺得我係打手,可以逐點驗證。我相信事實勝於雄辯。

 

點解我咁嬲呢?講真,裝修平台介紹公司,無講過包生仔,我明呀。平台只係幫我地減低風險,我知呀。所以我唔會話有咩爭拗就賴平台,況且間公司又係我揀既,我唔會期望平台要幫我包底負責。我嬲既係呢間「好師傅」sell我張單時,個sales老點!佢不斷強調會有自家QC(品質監察)、又吹自己介紹既呢間公司既紀錄幾咁優質、又話其他平台監工要收費而自己唔駛,睇完以下群組post,發覺佢真係完全老點!我地因為簽左保密協議唔講得自己個case,但我可以講別人的。

(1) 事主Dee Chan指出,好師傅介紹既溫判頭爛尾,然後好師傅叫佢告判頭──

我想講,呢個溫判頭唔係第一次(後面會見到其他受害者出現),而好師傅既應對就係叫你唔滿意就告佢!呢個正正係佢地既手段!佢地不斷推廣仲裁,其實就係出事時一句「咁你告佢囉」。佢地口中個仲裁,同你講就話係嬴左唔駛俾仲裁費,但其實咁耐以黎有幾多人真係會用?我在網上搜尋左好耐,一個案例都搵唔到!我那時都有諗過仲裁,但首先你要識寫申訴書,其次你要放低過萬蚊,而如果公司唔理你,你放低既錢就會無埋!如果咁簡單,個個都仲裁啦!

(2) 有谷友回應話好師傅開到D價貴哂──

公平D講,我當時就唔係既,張單仲平過我出面搵添,當然結果係爛左尾。但我想講個重點唔係貴定平,因為平台都要食飯。但最重要既,係你應承左既野要做到呀!你話你會QC,你話你同其他平台唔同係因為你有QC,利用簽我張單去收公司錢,咁你就有責任啦。如果唔係你就係虛假陳述!我覺得呢D報海關都得!好師傅既監工,其實只係派D完全唔識工程既人去走一走過場,好似D「免費身體檢查」咁,淨係度高磅重就算。唔信既,你試下搵好師傅報價時,問佢:1)你會搵咩人監察工程、2)會幾時上去同上幾多次、3)會檢查什麼項目、4)檢查完會唔會出報告或通知、5)如果那些項目出現問題會唔會負責。如果,佢只係搵素人完全後上去一次簡單影張相並表明不負責,咁都叫做免費監工既,我真係寧願你收我錢,做好少少!而家D驗樓,檢查完一定會俾檢查結果,所以我好肯定咁講,好師傅既檢查係超級唔專業!

(3) 佢地唔係Hold 10%咩?點解有事又唔負責──

谷友以為佢地收左公司錢,公司爛尾至少會部分負責番。搵平台時,我調查過唔同平台對公司既收費,我知道好師傅係收得最貴。但點解我仲搵佢地?因為我覺得有事佢地會用呢舊錢負責,但我後來諗番,呢個係天大既誤解。佢地收得貴,可能只係因為佢地要拆佣俾sales,於是sales亂咁sell單賺佣。出事唔理,叫你自己告佢。

(4)兩位苦主的對話──兩個都係用同一間公司!

然後我見到谷友Miranda Cheung同Alan Cheung分享左自己既經歷,兩位苦主表示都係用溫判頭、都有唔好既經歷!呢個我睇到真係眼火爆!點解我地搵平台,就係因為你知道公司既往績!如果明知間公司之前既客有咁多投訴你都仲介紹俾人,唔同客講真說話,我真心唔明。你做平台無理由想自己臭朵。但事實擺在眼前,總之就係無把關!如果要估,會唔會係佢收得太貴,所以只有D有問題既公司先肯同佢合作呢?講真我真係睇唔透。

Miranda話好師傅話過唔會再用佢,但仲有中伏個案。咁得兩個原因,一係個溫判頭同期接左咁多張單(又係平台把關不力),一係就係好師傅講大話,個客投訴親,就話唔再用佢,但轉頭又同公司deal番,再介紹間問題公司俾其他客人,藉此換取公司既合作!

(5)好搞笑既就係,呢個中伏post出左之後,除左有好多苦主現身,亦有好多「新會員」特登入群讚「好師傅」,話呢個係個別例子!會唔會係打手,就見仁見智啦!

(6) 更多苦主出現… 想睇詳情可以到:https://m.facebook.com/groups/2426418214312008?view=permalink&id=2793125117641314

(7) 搞個苦主大聯盟?好呀!……
不過預左會有好多打手,總之希望海關可以睇緊D,我唔明點解可以highlight自己會做品質監察,但品質出事可以置身事外。就算你唔係簽合約既一方,呢間生意你都一定係受益者!


再睇網頁… 原來改左做「抽」查……
貼心咁… 叫你告佢…….

&#(*^[email protected]#(*@@$