玩WeChat「附近的人」墮「美人計」投資騙局,已不是新鮮事,但一名受害港男 Kent 在半日內被蒸發逾200萬元本金後,「美人」竟再以「分手」作要脅,要求加碼400萬元讓她操盤。港男其後揭破「美人」大話連篇,不但「港大」學歷及住址是虛假,而且有同居男友卻扮「單身」,事後港男追討賠償,還遭人威嚇將其個人資料放上網,他遂報警並將受騙過程大公開。

「見佢幾靚女,同埋大家幾好傾,佢話冇男朋友,我心諗大家有冇發展機會呢?」40多歲Kent是一名專業人士,今年四月透過微信「附近的人」功能交友,被「Angel」的美女頭像所吸引,並隨即加為好友,再細看其朋友圈中的相片,以為今次終於找到值得交往的對象,遂展開追求。

Kent憶述:「佢話係港大畢業,做金融分析師;我都係專業人士,感覺上同佢好襯,最重要係佢先28歲,真係後生又靚女!」

二人認識後不時以微信溝通,Angel 自稱單身,無男朋友加上二人在投資方面又十分投契,很快便熟起來,更不時通宵講電話,Kent自言當時火速墮入情網,被對方孝順,又經常做義工及有愛心所吸引,認為是難得的「好女仔」。其後 Kent 知道 Angel 做金融投資有不少壓力,二人相識第7天連約會都未開始,Angel 已提議他先投資100萬元炒賣黃金,更保證風險最多蝕20萬元,又以曖昧口吻說:「其他人都係靠收手續食飯,但我唔會收你手續費,我等你畀家用。」

Kent 見女方似乎都對自己一往情深,加上想幫她在工作上「達標」,遂應 Angel 要求往其投資公司「灝天金融集團 Glory Sky Group」開戶,當日二人首次見面,才得知她任職「灝天金融集團」助理副總裁 (巿場部),他亦兌現承諾存入100萬元,並按要求簽授權書讓她操盤。

翌日其戶口便進賬10萬元,Angel隨即落嘴頭要求他加碼到600萬元,聲稱「回報最少2百萬,風險先78萬。」她更答應拍拖,Kent一下子被愛情沖昏頭腦,加上對方保證止蝕80萬元,故再投資500萬元。點知第二日起身,睇下個帳戶一共有300手買賣,一晚賬面就蝕咗200幾萬,我即時全部斬倉,如果再遲啲可能連渣都冇剩。

埋單結算後,Kent共蝕了180萬元,其後他提走剩下的420萬元,Angel就不斷埋怨他斬倉,否則很可能賺回數百萬元。

惟「女友」還未放棄再出招:「如果相信我,400萬交比我操作。」但當他拒絕後,Angel就發火:「咁唔信我,大家分手!」惟Kent事後揭發原來一切都是謊言:「佢講嘅嘢全部係假,包括唔係港大畢業、無金融分析師資格、有男朋友,連報的住址都係假。」與她「拍拖」短短兩星期,Kent失近「兩球」,但直言最心痛是撕開Angel的假面具,「我哋見面得四、五次,拖手都只係兩次,佢根本係感情騙子。

 

事後回復清醒的 Kent 以 Angel 承諾風險最高是蝕80萬元,要求她及灝天金融集團賠償,但反遭威嚇「將個人資料及聊天紀錄上載上網」,他感到人身安全受威脅遂往報警。

有片:

 

下頁: 搵私家偵探追蹤 踢爆大話「女友」同男人去澳門過夜