今年66歲嘅大劉 – 劉鑾雄日前同一家人一齊行喺銅鑼灣希慎廣場,喺搭扶手電梯位置遇到?模 Diva Hui (許珮榆),因為對方低頭掛住玩電話,大劉擔心佢會撞到人,就敎訓了 Diva 一輪,但 Diva 無因為佢係城中富豪而示弱,當中反駁佢,相方激烈爭執引嚟途人圍觀,結果上咗 C1 頭條。

大劉:「呀姐姐,你左手拎電話右手篤手機,唔睇路,唔睇前面,好危險,好易發生意外撞親人!」

Diva:「點會呀?我篤手機,有睇路,點會有意外?點會有危險?」

大劉:「你係咁睇住部手機,點睇路呀?你咁樣好危險。你撞到人,你跌親,會整到我仔女喎!」

Diva:「阿叔你唔使咁勞氣㗎… 我真係有睇路囉!」

大劉:「邊個叫我話緊你仲係咁嘅態度?」

Diva:「你咁有善心,就積下福!係咁喺度鬧人!嘥啲時間做有意義嘅嘢啦!

大劉:「積你個福!積你老母!你整親我仔女、老婆,你搵咩嚟賠?

Diva:「我有睇路喎,我嚟你啲仔女咁遠,點會撞襯佢哋呀?我自己拎唔拎電話嚟睇又關你咩事?」

大劉:「你個整容怪物,我睇你個樣都唔止整容一次啦!

Diva:「吓?! 我冇整容囉! 」

大劉:「我一睇你個樣就知你整容整咗N咁多次!」

Diva:「依家去驗囉,如果我冇整容你係咪賠錢畀我?你唔敢呀?

大劉:「你都戇撚鳩!」

大劉女兒:「爸爸,爸爸你哋唔好嘈啦!」

花生友:「有錢大晒咩?」

Diva:「係囉!佢係咁不停鬧我,黐線架!」

Diva 雖然反駁大劉堅稱自己無整過容,仲「大」返大劉轉頭,話現在去驗,如果無整過容,就係大劉誹謗,佢要賠錢。但 Diva 回覆《香港01》時又唔係咁講喎,佢坦承自己有整小小:「我當然不服啦,所以先話去驗係咪真的N次,講真依家香港有邊個冇執呀,去到怪物係好嚴重嘅指控喎,真係要去驗到我係大搞可以先可以話整容怪物喎,如果唔係全香港起碼7、8成後生女都係怪物啦!

好彩大劉無話”去咪去,怕你呀?” 唔係真係賠到 Diva 破產都唔掂!

而大劉本身都唔係紙老虎,佢之後都做了啲「功課」睇下邊個咁夠膽頂撞佢老人家… 佢對《蘋果日報》記者話:「網上傳聞話佢做過舞女、生過仔,我唔知真定假,唔關我事,但我絕對相信佢整容係真嘅。

睇嚟佢真係知得仲多過啲網民!佢所謂啲網上傳聞,小編自己都無聽過… 小編只聽過佢之前畀前男友打到變豬頭。

有圖有真相,下頁就睇下 Diva 有無大搞過…