《明報》收到告密信,內容係指黃浩然老婆莫家嘉(Kaka)與一名有婦之夫有曖昧關係,傷害別人家庭,信中亦附莫家嘉和有婦之夫嘅親密合照及私訊截圖。

黃浩然與老婆莫家嘉(Kaka)於2005年結婚,二人婚後育有七歲和五歲的囝囝,兩公婆人前人後都十分恩愛。莫家嘉除了係 Twins 形象指導外,亦係擁有超過億元身家馬主莫英儒嘅千金,婚後黃浩然入住外父名下千萬豪宅。

不過咪睇黃浩然身材又正又靚仔,以為佢身體都好好,其實喺2014年嘅時候,黃浩然就患上咗「貝塞特氏症」,呢個病如果嚴重者可致血管炎及身體多處潰瘍,亦會引致生殖器官潰瘍。而告密信第一句就提到「自己老公有病,就去搞人老公」。

 

《明報》向黃浩然求證,佢有點愕然,更面色一沉,佢確認相中女主角真係佢老婆,但係就話:「呢啲好舊㗎喎﹗」

?

好舊 ??? 咁就奇怪,用得上面呢個emoji 又會舊得去邊 ?

黃浩然繼續力撐老婆:「我對太太絕對信任啦!冇咩好回應,我同太太關係好,覺得無人可以做到任何事,傷害到我的家庭,因為我和家人好團結的。」

記者又問黃浩然:「識唔識相中嘅男主角?」

黃浩然:「我唔識佢,唔識佢。」

記者又問:「會不會跟太太開家庭會議,了解事件?」

黃浩然:「咁我當然會話佢知有咁事發生啦!都無秘密嘅,但係…其實我諗啲相係….可能我都影過好多呢啲咁嘅相,因為大家出嚟玩,大家朋友,好正常,我覺得無乜嘢啫﹗」

記者:「以後提太太小心啲?」

黃浩然:「唔需要,照正常。」

記者:「有無不開心?」

黃浩然:「無嘢喎,不過我覺得有呢啲事發生好奇怪,對於我嚟講好平常,呢啲事喺我身上已經發生得遲嘞,我入了行廿幾年,先有人講呢啲,我覺得已經遲了,當笑料一宗。」

之後講道事件牽連到億元馬主外父嘅名都被爆出嚟,黃浩然話:「當然嬲,我覺得好有問題囉,屋企人都攞嚟講,仲要用紅筆寫,都不關他的事,我是公眾人物就無所謂啫﹗」

其實黃浩然又唔洗嬲,外父莫英儒個名喺佢兩個結婚時,各大傳媒一早就有報導,都已經唔係咩秘密,難道佢唔記得咗?

黃浩然表明唔會再就有關事件作回應,免得再有手尾跟。

 


(原圖)