將軍澳藍塘傲5座G室,一個約值700萬,實用467方呎,1房連1儲物房的單位。廁所馬桶水箱被旁邊淋浴間玻璃屏風以倒「L」 砸住,業主憶述收樓當日看見此情此景,還記得當時嘆:「唔係呀嘛,幻覺嚟㗎嘛!」接著追問發展商,但換來「設計係咁㗎喎!」的回應。業主表示:「當時我真是『O晒嘴』,真係未見過咁樣喎!日後如果要維修咁點呢?佢就話唔會有問題,成日話會跟進。」

然而入伙以來,馬桶使用兩周仍見沖水如生銹水。目前,水箱更向企缸伸入達3.5厘米,淋浴間旁無端端多了個直角,既放不到洗頭水沐浴露,業主兩位幾歲兒子更被撞到多次。事實上,當年發展商賣樓展示示範單位,並非這類型戶型。一手新例要求樓書,只能看見單位平面圖,顯示廳房廚廁間隔尺寸等資料,而不會有垂直立面圖。

業主希望發展商將廁所回復正常,即是水箱蓋不要被玻璃屏風砸住,水箱也不要伸入企缸形成篤人的直角,他說:「向發展商反映,佢哋話都要開會商量下,會覆我,但未知幾時。其實5座和6座的G單位,幾乎都是這種設計,但發展商一味推搪。對於帝國集團,非常之失望囉!諗住會好啲,點知係咁。我真係完全諗唔到咁嘅問題會出現,真是呆咗,唔知俾咩反應。」

現場所見,水箱蓋似是一塊完好無缺的石材,在石材與玻璃屏風銜接位看不出是分割。資深驗樓師賴達明在場視察,他直言:「第一眼見到,錯得好明顯!」從表面上看,似是度錯位。目前情況如果重造水箱成本貴,如將玻璃屏風移後,則企缸空間會收窄。

《蘋果日報》報導 – Youtube Channel: