1. 爬牆收徒弟

中5至中6既時候,完全唔讀書,日日番學都遲到,因為學校會扣分,所以永遠都會爬學校後花園外牆再跳入去,太約3到4米高,左跳右跳,再捉實冷氣機位入學校一間房既屋頂,諗番起都覺得自己好似湯告魯斯咁,就咁年幾日日都冇遲到,同學都好驚奇.

我仲勁中二病咁同其他遲到既同學講,我溝咗果個女head prefect,所以我遲到佢都唔會記我名,
點知有一次一跳入去既時候比一個師弟見到,果時勁驚佢報串,因為佢本身睇落去係認認真真讀書既人,咁我就同佢」你咪話比人知阿,唔係打獲你 !」

點知佢叫話想認我做師父,叫我教佢點爬入學校,咁多一個朋友好過多個敵人,之後我同佢都有好多次行動都冇事.

畢業準備去DSE既時候冇返學校,但都聽到好多傳聞話,佢收咗好多徒弟訓練佢地遲到爬入學校,好似有一次10幾條友行動,最後因為有條友唔小心跌跛佐隻腳卡住咗係屋頂,之後其他人緊張救佢唔到, 唔撚理佢走晒返班房,佢係屋頂大叫,比個校工見到報警上咗新聞,依家諗番呢件事,我都覺得有小小慚愧,點解果時會收咗呢條友做徒弟!


2. 屙屎妹欺凌事件

我一行人有5個朋友,不嬲都係學校搞事份子,爆粗,唔番學,打交,不嬲都有我地份,咁果時中學大家都好撚幼稚,如果你係學校屙屎就會比人笑!

因為係學校屙屎係一個禁忌黎,比人知道重慘過你係惡霸打9人,咁有一個女同學A本身果日搞肚痛, 放學之後就去咗女廁屙屎,咁女同學 B 同 C (呢2個係精英班女神黎) 咁岩就跟住A入女廁,咁A就屙屎啦,就係果種勁大聲控制唔到既排泄屎黎,又臭又噪,咁 B 同 C 就梗係扮哂自己冇屙過屎咁,出番黎同其他同學講話: 」癡撚線架!!! 佢係學校屙屎阿,重要勁撚臭!!!!」 佢地都低估佐呢件事既傳播力 係短短半小時之內就有好多其他同學男男女女係哂之女廁所門口. 歡呼等女同學A 屙屎歸來,係咁吹口哨,係咁大叫,好臭阿咩咩咩咁.

女同學A自然唔會出,之後佢其他朋友話訓導主任知班友先4散走佬. 之後佢出番黎驚比人笑幾日冇番學,訓導主任要問責,係依到要講番,係呢件事發生果一日,咁岩我地5個去佐網吧打機,所以完全同我地冇關,點知訓導主任一黎就捉9佐我地5個去問話,一開波就話: 」你地做佐D咩心知肚明啦!」

我地又唔知做咩春,但比人罰慣既我地又因為其他野身有屎,所以寫口供既時候寫9哂自己扮病,打人,偷學校實驗室同恐嚇同學果D衰野,件事愈搞愈大,之後我地比人記哂大過,果個屙屎妹變咗女英雄.


3. 羽毛球王子

當年學校有條友叫」羽毛球王子」 每逢小息/lunch都會一個人去操場,雙手各執一塊球拍,之後好似打壁球咁對住幅場狂打羽毛球!

每次有人問佢做咩唔同人一齊打,佢就會話要先戰勝自己,咩自己先係自己最大敵人.
嗰時全校一到小息就會出晒黎睇佢表演,好熱鬧.


4. 拎住地鐵扶手返學

有一次返學有一個同學拎咗個扶手返嚟 (地鐵嗰啲),之後我地問佢做咩撚野,佢話唔小心拉咗落黎,嗰時又多人唔想柒,就繼續扮個扶手冇事,一直用平衡力先支持到到站,一開閘即刻跑出去,就偷咗個扶手返學,我地笑到仆街!


5. 性教育講座

有一次學校性教育講座,咁啱講到用咗安全套,都有機會懷孕!

有個女同學勁大聲吓!!!咗一聲。
之後就有社工去搵佢。


6. 第一次溝女

好記得果時中二,暗戀緊一個女仔,係嗰種小息食零食嘅時候,會偷望下佢果種,但其實佢完全唔識我,可能嗰陣班朋友全部都有女,係得自己冇,好想快D溝番個先有話題。

咁我就大膽去同佢傾計,點知又真係拎到,但其實自己完全唔識同女仔傾計,咁一直 msg 咗幾日好似冇咩講就搵咗柒頭朋友商量。之後佢教我要點做,其實佢都唔撚識,不過語氣好似百人斬咁,佢教我約個女仔去食飯,我就膽粗粗約佢去小食部食三文治,重要話我請,去到先知自己冇帶錢,問我另外一個同學借佐100蚊。同佢買三文治果時,重要 chok 晒聲同嗰個小食部姐姐講: 兩份三文治,一份我既! 一份佢既! 諗起都柒 …… 佢一定當咗我 ON9。


Source : https://lihkg.com/thread/991988/