有網民喺 LIHKG 開 PO 話自己同阿媽、家姐住唔夠200呎嘅劏房,足足捱咗八年… 剛剛買咗400呎新樓,以為終於可以改善下居住環境,點之家姐呢個時候先話要結婚,最大問題係家姐打算同老公搬去新屋一齊住…

原文:

前兩個月我同屋企人(一家三口)就睇中咗一個400呎左右嘅單位,之後就打算大家辛苦少少一齊供樓,因為依家一家三口住200呎都無,屋企得一間細房,個廳放左張碌架床,之後已經冇晒活動空間,仲住左八年,住得真係好辛苦,所以想住好少少。

個問題就出現,起初打算一家三口一齊住,以為捱咗咁耐終於可以轉換下環境,有自己嘅空間。點知天氣不似預期,我家姐突然話下個月會結婚,佢個老公仲要搬入黎同我地住,我咪話400呎住4條友劏三間房會住得好辛苦,我家姐竟然叫我老母到60歲去排公屋好快有,我嬲到一個點,我同家姐罵大交仲差d開拖。

我心諗妳結婚要我同啊媽貼埋大床比妳老公,樓我地有份供,無份話話事,妳兩公婆塊臉皮成尺厚,完全無考慮過我同啊媽嘅感受,屋企已經唔係大,得400呎 仲要劏三房,你竟敢死打算霸一間大嘅主人房,我真係完全無語。

我唔係話窮唔可以結婚,但男方起碼都要有計劃,無計劃就學人結婚,自己無學歷、無工作資歷,又要無儲蓄,咩都靠自己老豆老母,條友做個裙腳仔同佢老母睇街市鋪,好食懶做,好心你唔好害人。

祝你今次結唔成婚

P.S.
小弟啱啱讀完書,月入唔多,首期係家姐同阿媽一人一半,供款就除三份(我、家姐、媽)


網民回應,不過唔係一面倒撐樓主 …

撐樓主:

「唔洗佢供,你供多份,叫佢排公屋囉」

「竟然係男方去女方屋企住」

「索性直接同阿媽排公屋,生活質素分分鐘仲好啦咁」

「照咁睇家姐可能一早等緊呢個機會,等你地俾嗮首期,冇得反悔果陣,焗住要幫佢兩公婆供樓」

「條仔好仆街,食女食到上埋人地度住」

「家姐咁撚賤嘅 ! 霸屋貼佬,一蚊都要同佢計清楚呀」

「一家人間屋不嬲留畀個仔,呢D傳統唔好畀港女破壞呀,唔係樓主無樓娶唔到老婆」

撐家姐:

「樓主輸咗喇,你家姐同老母首期比一半,你先係痴屋住嗰個,話事權最細」

「樓豬上面仲話要落自己名,我係佢家姐嘅話, 供都唔撚洗佢供,直接踢佢出去瞓街」

「咁調轉講, 如果三個人一齊供, 家姐嫁出去, 到你結婚係咪你老婆嚟住先?  咁咪又係對家姐唔公平」

「層樓都可以話有一半係家姐,咁家姐結婚同老公一齊住番半層樓有乜問題?」

「巴打,你想層樓有名,基本上一定要畀首期,你家姐畀咗一半,冇一百粒都六七十粒,嗰到一般人要儲幾耐?你家姐踢你老母住公屋係仆街,但嚴格嚟講你供樓只係當交租,你係最冇say嘅人。當初根本唔應該叫家姐出首期,想女嫁出去,就留返啲資本畀人搬出去,你屈咗人舊錢,又想兩姐弟加老母一直住落去。諗下都知冇可能,唔得咪唔搬住囉,冇咁大個頭,買咁大層樓。」

「就咁睇證供,家姐首期出一半,樓主冇份,供樓又話要靠家姐,樓主同老母無能為力,睇落樓主都冇出過乜錢㗎啦,可以有咩say,憑咩大大聲話人自私,仲話要層樓落佢名?家姐老馮要養埋廢柴細佬比埋層樓佢?」

「你篇文完全無諗過你家姐會嫁,諗住佢同你供死一世樓,供到人老珠黃嫁唔出?」

「講到尾,樓主先係痴嗰個」

「樓主嗰三分一當屋租咋陰公,嗰幾千蚊供樓筆錢有幾難 ? 首期先係問題呀嘛,家姐拎一半首期出嚟又要供三分一,帶老公入嚟住大房都叫公平喎」

「其實唔明樓主咩諗法, 覺得阿媽落樓主名合理, 但落家姐唔合理?
阿媽同家姐各比50%首期, 家姐拎大房唔合理? 但樓主覺得自己有房係合理?」


Source:
https://lihkg.com/thread/1070615

Loading...