有絲打投稿至 Facebook Page「同住奶奶好惡頂」,抱怨試過同一個「裙腳仔」拍拖,但短短一個月已經頂佢唔順,決定分手。嗰位絲打例出咗10大特徵,奉勸一眾絲打「如果你另一半係咁,快啲還返個仔畀人,唔好再打擾佢同佢阿媽二人世界」。

裙腳仔男朋友

雖然只係一齊左一個月就比我飛左,但不吐不快!!!

1. 今年28歲做警察,夜晚去夜少少阿媽打電話黎狂催

2. 成日提阿媽,一天至少提幾次才安心,連傾計哥時我話我中鍾意食咩零食,佢都要話我媽都中意

3. 單獨出去拍拖食飯,突然叫埋老豆老母黎,佢阿媽仲唔比我地飲凍野

4. 整左個蛋糕送比佢,他淨係答我阿媽覺得你好叻好乖,阿媽話蛋糕好好食,阿媽話如果佢生日你都整一個比佢就好

5. 佢想食街邊小食,但阿媽唔俾,所以無食過;佢想釘耳洞,阿媽唔俾,所以都無釘;佢想去美國玩,阿媽覺得太遠,消費高,所以佢就唔去

6. 同佢去行街,佢會一直睇下有無岩佢媽既衫,仲叫我幫佢媽試

7. 出到街去到邊都一直要whatapps 屋企人報告行蹤

8. WhatsApp 頭像係佢阿媽覺得靚所以佢先用

9. 平時放工就番屋企陪阿媽食飯,放假都要陪阿媽食飯,不然就是陪阿媽同阿媽既朋友一齊吃

10. 一齊先半個月已經想你幫佢媽做家務,同埋話結婚後一定要同佢屋企人一齊住

最後:

佢係可以廢柴到咁大個人飲醉都要阿爸嚟車,阿爸車出車入,咁大個人都唔識訂機票酒店,分咗手仲狂打俾我問,口口聲聲孝順,但家務全部都唔做,媽寶廢柴中嘅戰鬥機!!!

「各位姊妹,如果你另一半係咁,快啲還返個仔比人,唔好再打擾佢同佢阿媽二人世界,媽寶更加唔好再出嚟禍害人間,快啲返屋企飲奶啦!」


網民回應:

「裙腳仔,媽前媽後,點解要識女朋友,不如㩜x住啊媽過世啦!!」

「你好醒呀!即時走!拍晒手掌呀!勁呀姊妹!呢d咁既媽寶真心害人不淺,我以前都蠢左好多年。但我無你咁叻,但都多謝對方放生我。」

「我上個月都同男朋友分咗手一來佢想喐手 ,二來想迫我生小朋友,全因佢阿媽想抱孫,我實在頂唔順 真的要放手了!否則 我嘅人生就到此為止,以我咁討厭小朋友嘅性格一定唔會係個好媽媽」

講得太好,呢十大要點,中2點或以上,請考慮還返個仔俾人;中3點或以上,請唔好再諗,即刻走人。

「遇到賊人都嗌媽咪來捉

「保護市民要靠佢阿媽

「千祈唔好比孝順兩個字蒙蔽自己!因為孝順同愚孝,真係好大分別!「廢柴中嘅戰鬥機」擺明係愚孝!同愚孝媽寶一起,女方注定冇地位!

「講得好啱:快啲還返個仔畀人!


街頭訪問: 乜都聽晒阿媽話,係孝順定係裙腳仔?

我哋又睇下受訪者點睇裙腳仔 !