近年有騙徒係 IG 及 Facebook 多個招聘 group 上 po 投資廣告,騙徒叫自己做 Andy Sir,並聲稱只要投資入股成為「21點投資分紅計劃」股東,最高一次可以分120萬港元。

晒錢、晒錶、晒名車係騙徒嘅特徵:

其實一睇佢嘅 PO 就已經知道係一場騙局… 但仍然有人唔少人中招!

現年25歲,任職 freelance 化妝師嘅 Jessica 就向《蘋果日報》爆料,今年3月13日,佢喺 IG 睇到「21點投資分紅計劃」覺得相當吸引,遂向 Andy Sir 坦言需要一大筆資金照顧家人及維持日常開支,並且身上只有一萬五千元。Jessica 形容對方:「佢講到自己好好,話可以幫到我,又話自己唔係個個都會幫,意思係你搵我我唔一定幫你,你要真係有困難先會幫你。」

Jessica 信以為真,被 Andy Sir 游說投資三萬元,他聲稱回報會更高,稍後可獲分紅48萬元,分兩次收取,又一度「寫包單」表示:「如果無賺錢,我雙倍賠返畀你!」於是 Jessica 將自己所有的一萬五千元,加上再向朋友多借一萬五千元,合共投資三萬元,分兩日入數落 Andy Sir 馬會戶口。

Andy Sir 收到 Jessica 嘅錢後,還「拍心口」叫佢等好消息。之後 Jessica 一直有聯絡對方,「Andy Sir 就話佢團隊成績好好,喺賭場一直贏錢」,其間不斷游說她加碼投資,惟她表明沒有多餘資金再入股投資。

直至上月21日,Jessica 又收到 Andy Sir 信息,指他在澳門賭場敗北收場,並多次游說她加碼投資最少五千元至一萬元,「佢話而家等緊佢助手拎錢過嚟會再落注,但要我再加錢先可以追回本。」Jessica 表明身上再沒餘錢,對方即向她發來最少四間財務公司的資料,着她借錢投資,並聲稱其他大部份會員都曾經向這些公司借貸。幸 Jessica 未有借貸,其後向友人提及事件,始揭發她被騙。Jessica 於是聯絡對方要求退還有關三萬元,但 Andy Sir 反過來再一次着她借貸投資追回本金,當 Jessica 表明不會借貸後,對方即逃之夭夭,失去聯絡。

Jessica 苦訴:「其實我都無話好大貪念,只係想賺到幾萬元,幫家人還咗債就可以」,又說:「佢呃到我所有錢都無晒,而家得番二百元喺身,真係唔知點算。」Jessica 也不敢將事件告知家人,最後只得報警求助。