昨晚袁偉豪就喺 Big Big Channel 開直播宣傳《鐵探》,講講下又再次回應近期嘅負評,袁偉豪指知道有好多人唔明白點解佢同張寶兒一齊後,隨即發生唔少唔好嘅新聞,甚至知道唔少人都覺得係女友背後搞事搞非。對此,袁偉豪就話:「我可以肯定話你知,唔係。我同寶兒一齊之後,我個人係更加率直,更加直接。」但承認亦因太過直接而失去部分工作機會,所以佢會調教自己嘅睇法及態度,唯獨從未改變過嘅係自己對工作嘅要求及熱誠!

之後袁偉豪同大家認錯,佢話曾因護女友遭司機舉中指,更嬲爆甫對方車牌公審該司機,佢就話自己只係個普通人,當下唔知點樣宣洩自己情緒,所以先選擇喺個人社交平台分享感受,但對於事件造成公眾迴響,則表示:「唔好意思,對唔住。」

袁偉豪再指有時網友留言會令佢感到受傷害,例如「有袁偉豪嘅戲我唔會睇」、「唔知點解咁嘅戲都可以上到Netflix」等,但網友唔需要為呢啲說話負責任,自己都唔會怪佢哋,並補充今次唔係以一個藝人或演員嘅身分去講,「純粹以我袁偉豪嘅身分同大家share自己感覺」,並再次強調唔好咁多負能量!


網民又點睇 ?!

「佢個樣殘到好似一日打完10次飛機咁」

「所以幾時都話, 岑杏賢值得更好, 佢配唔起岑杏賢. 」

「佢咁講係咪暗指緊以前岑杏賢令佢講野要收收埋埋, 覺得好抑壓好辛苦?」

「痴線! 亂鬧人= 講嘢比較直; 發脾氣上網公審人 = 直率?
唔怪得個個港女都話自己唔係港女, 只係性格比較直~」

「呀ben 好似以前咁咪好lo, 點解成日咁火爆講錯野, 惹事端 ? 為左呢個女人值得咩」

「我認為食軟飯係重要過接JOB」

「佢宜家勁中意同人係網上對鬧, 完全唔理自己藝人身份, 頭先佢仲話, 自己講呢d唔係用明星身份講,
而係用個普通市民袁偉豪身份講, 但大佬呀~ 你係公眾人物呢個事實改變到」


以上內容可以睇3分鐘精華片段: 

TVB 官方 Facebook 完整版: (1.37小時)